Украина фуқароси Владимир Ленин ва Иосиф Сталиннинг афоризмларини "Одноклассники" ижтимоий тармоғига жойлагани учун беш йилга шартли қамоқ жазосига ҳукм қилинди.
Тергов шуни аниқладики, айбланувчи уч йил давомида Владимир Ленин ва Иосиф Сталиннинг иқтибослари ва фотосуратларини чоп этиб келган. Украина қонунчилигига кўра, бу ҳаракатлар ноқонуний ҳисобланади, чунки улар «коммунистик мафкура элементларини тарғиб қилишни ўз ичига олади».
Судланувчи ўз айбига тўлиқ иқрор бўлди, шунингдек, қилмишидан чин дилдан пушаймон эканлигини ва тавба қилишини айтди. Суд буни енгиллаштирувчи ҳолат сифатида инобатга олиб, уни беш йил муддатга озодликдан маҳрум қилди, бироқ икки йиллик синов муддати билан жазони ўташдан озод қилди.
