Латвияда яшовчи 3,6 мингга яқин руслар латвия давлат тили имтиҳонидан ўта олмагани учун мамлакатни тарк этишга мажбур бўлади.
Бу ҳақда “Zinas.tv3” хабар берди.
“Кейинги ҳафтада 3600 нафар Россия фуқароси уч ой ичида Латвияни тарк этиши кераклиги ҳақида хат олади”, — дейилади хабарда.
Латвия Ички ишлар вазирлиги давлат котиби ўринбосари Вилнис Витолинснинг сўзларига кўра, ушбу буйруқни бажаришдан бош тортганлик учун жиноий жавобгарлик йўқ, бироқ жарима солиниши мумкин.
