Испания Ла Лигасининг 23-туридан ўрин олган "Барселона" ва "Мальорка" жамоалари ўртасидаги учрашув якунланди. Унда майдон эгалари 3:0 ҳисобида ғалаба қозонишди.
Ўйиндаги илк голни 29-дақиқада "Барселона" ҳужумчиси Роберт Левандовски киритди. 61-дақиқада "кўк-анорранглилар" форварди Ламин Ямаль жамоасининг устунлигини иккитага оширди. 83-дақиқада эса ярим ҳимоячи Марк Берналь "Мальорка" дарвозасига учинчи тўпни киритиб, ўйиндаги якуний ҳисобни белгилади — 3:0.
Испания чемпионатининг 23 та ўйинидан сўнг "Барселона" 58 очко жамғариб, турнир жадвалида пешқадамлик қилмоқда. "Мальорка" эса 24 очко билан 13-поғонада бормоқда.
Келгуси турда "Мальорка" 15 февраль куни ўз уйида "Бетис"ни қабул қилади, "Барселона" эса бир кун ўтиб сафарда "Жирона" билан куч синашади.
«Бедарак йўқолган 40 ёшли эркакни қидиряпмиз»: Саудия кўчаларида Роналду устидан кулишмоқда (Фото)
"Бу ер Роналду Арабистони эмас"
Эрон Форс кўрфазида иккита танкерни қўлга олди
