КХДРнинг Россия-Украина урушидаги тузатиб бўлмайдиган йўқотишлари 1100 кишини ташкил этди

Бу ҳақда Yonhap агентлиги Жанубий Корея штаб бошлиқлари бирлашган қўмитасига таяниб хабар берди.

Жанубий Корея разведкаси маълумотларига кўра, Пхенян, эҳтимол, Россия армиясини қўллаб-қувватлаш учун Россияга қўшимча қўшин ва ҳарбий техника жўнатишга ҳозирлик кўрмоқда. Кўп разведка маълумотлари таҳлили Шимолий Корея Россияга жойлаштирилган қўшинлари сонини ё ротация қилишга ёки кўпайтиришга тайёрланаётганини кўрсатмоқда, дейилади баёнотда.

Бундан ташқари, Сеул КХДР Россияга ҳужумчи дронлар билан таъминлаши мумкинлигини тахмин қилмоқда. Ҳарбийлар биринчи марта ноябр ойида эълон қилинган учувчисиз самолётлар ишлаб чиқаришнинг баъзи белгиларини қайд этди.

Жанубий Корея ва АҚШ разведка маълумотларига кўра, КХДР расмийлари Украинага қарши урушда қатнашиш учун Россияга 10-12 минг ҳарбий хизматчини жўнатган.