Кулеба Россия босқинчилиги бошланганидан бери биринчи марта Сербияга келди

Украина ташқи ишлар вазири Дмитрий Кулеба Россия босқинчилиги бошланганидан бери биринчи марта Сербияга келди.

Сербияда Кулеба Сербия Президенти Александр Вучич, Бош вазир Милош Вучевич ва бошқа юқори мартабали ҳукумат вакиллари билан учрашади.

Вучевич, ўз навбатида, Сербия «халқаро ҳуқуқ ва БМТга аъзо барча давлатларнинг, шу жумладан Украинанинг ҳудудий яхлитлигини ҳурмат қилиш» тарафдори эканини таъкидлади.

Сербияга Кулебадан ташқари Украина президенти Владимир Зеленскийнинг рафиқаси Елена ҳам келган. Александр Вучичнинг рафиқаси билан биргаликда у руҳий саломатлик бўйича конференцияни очди.

Ассоcиатед Пресс агентлигининг қайд этишича, Дмитрий Кулеба ва Елена Зеленскаянинг Белградга кутилмаган ташрифи икки давлат ўртасидаги муносабатлар илиқлашганидан далолат беради.