Кремлнинг Трамп ва Путин суҳбати бўйича дастлабки изоҳлари эълон қилинди

Кремлнинг Трамп ва Путин суҳбати бўйича дастлабки изоҳлари:

- Путин ва Трамп телефон орқали Украина атрофидаги вазият юзасидан батафсил ва очиқ фикр алмашишни давом эттиришди;

- Путин Трампга чоршанба куни Россия ва Украина асирларни «175 га 175» формуласи бўйича алмашиши бўйича маълумот берди;

- Иккала томон ҳам глобал хавфсизликка бўлган масъулиятни инобатга олган ҳолда, ўзаро муносабатларни яхшилашга қизиқиш билдирди;

- Путин Трампнинг Қора денгиздаги кемаларнинг хавфсизлигини таъминлаш ташаббусига «конструктив муносабат» билдиради;

- Путин Трампга Украинада барқарор тинчликни ҳал қилиш йўлларини биргаликда ишлаб чиқишга тайёр эканлигини билдирди. Россия ва АҚШ «Украина муаммосини ҳал қилиш бўйича экспертлар гуруҳларини» ташкил этади;

- Путин Трампнинг Россия ва Украина энергетик инфратузилмасига зарба бермаслик бўйича 30 кунлик ўзаро келишув ғоясини қўллаб-қувватлади ва бу бўйича ҳарбийларга тегишли буйруқ берди;

- Украинадаги муаммони ҳал этишда инқирознинг асл сабабларини бартараф этиш ва Россиянинг хавфсизлик борасидаги қонуний манфаатларини ҳисобга олиш зарур;

- Путин Трампга Киевга хорижий ҳарбий ёрдам ва разведка маълумотларини беришни тўлиқ тўхтатиш Украинадаги можаронинг янада авж олиб кетмаслиги учун энг муҳим шарт эканини айтди;

- Трампнинг 30 кунлик оташкесим ғояси ҳақида: «АҚШ президентининг 30 кунлик сулҳ ташаббуси доирасида Россия томонидан бир қатор муҳим масалалар илгари сурилди. Шу жумладан, бутун фронт чизиғи бўйлаб ўт очиш тўхтатилишини назорат қилиш механизмларини яратиш, Украинада мажбурий сафарбарликни ва украин армиясини қайта қуроллантириш жараёнини тўхтатиш зарурлиги қайд этилди»;

- Доналд Трамп Владимир Путиннинг АҚШ ва Россия НХЛ ва КХЛ хоккейчилар лигалари ўртасида дўстона ўйинлар ташкил қилиш ғоясини қўллаб-қувватлади.