Кремль Венесуэла тарафини оладими?

Кремль Пентагон эълон қилган Венесуэлага қарши ҳарбий операцияга биринчи марта реакция билдирди. Россия 2025 йил май ойида Каракас билан стратегик ҳамкорлик шартномаси имзолаган эди.

Россия президенти матбуот котиби Дмитрий Песковнинг айтишича, Москва халқаро ҳуқуқ нормаларига амал қилиниши ва Кариб аҳдудларида вазиятни беқарорлаштирувчи ҳаракатларга йўл қўйилмаслигини кутади. У АҚШнинг операцияси минтақавий хавфсизлик учун жиддий хатарлар келтириши мумкинлигини таъкидлади.

Песков Россия вазият ривожини диққат билан кузатишини билдирди.

Россия Ташқи ишлар вазирлиги реакцияси янада кескин бўлди. ТИВ расмий вакили Мария Захарова АҚШнинг наркотрафикка қарши кураш баҳонасида ҳарбий куч қўллаш қароридан «жуда хавотирда» эканини айтди. У бу ҳаракатларни Венесуэланинг ички ишларига очиқдан-очиқ аралашув деб атади.

Захарованинг таъкидлашича, наркотрафикка қарши кураш коллектив чораларни, эмас балки «якрар томонлама куч ишлатиш»ни талаб қилади.

Россия–Венесуэла ҳамкорлиги кучаймоқда

Россия ва Венесуэла 7 май 2025 йилда стратегик шериклик бўйича шартнома имзолаган. Шартнома сиёсий, иқтисодий ва хавфсизлик соҳаларида ҳамкорликни кенгайтиришни назарда тутади. 21 октябрда Россия парламенти ҳужжатни ратификация қилган.

2025 йил июл ойида «Ростех» Венесуэлада 7,62 мм калибрли ўқ-дорилар ишлаб чиқариш заводини очди. Корхонанинг йиллик қуввати 70 миллион патронга етади. Кейинчалик АК-103 автоматларини ишлаб чиқариш ҳам режалаштирилган.

АҚШнинг операцияси

14 ноябр куни АҚШ мудофаа вазири Пит Хегсет операция “Southern Spear” («Жанубий найза») бошланганини эълон қилди. Расмийлар операция мақсади наркотрафикка қарши кураш ва АҚШ хавфсизлигини таъминлаш эканини билдирган, аммо тафсилотлар ошкор қилинмаган.

Президент Дональд Трамп аввалроқ Венесуэлага қарши ердаги ҳарбий операция ҳақида гапирган ҳамда Николас Мадурони қўлга олиш учун 50 миллион доллар мукофот эълон қилган эди.

Американ ОАВ маълумотига кўра, АҚШ Кариб минтақасида бир қатор ҳарбий базаларни тиклаган. Wall Street Journal ёзишича, Вашингтон наркотик ташишда фойдаланилиши мумкин бўлган аэродром ва портлар рўйхатини белгилаб олган.

Шу орада Кариб денгизига USS Gerald R. Ford авианосеци кириб келишдан аввал Америка қуролли гуруҳига қўшилган.