Кремль Трампнинг Зеленский тинчлик келишувидан манфаатдор эмаслиги ҳақидаги фикрига қўшилади

Украинадаги можарони Зеленский иштирокисиз ҳал қиламиз, деди Америка етакчиси Трамп.

"Ўйлайманки, охир-оқибат улар қандайдир келишувга эришади, лекин Зеленский билан эмас. У келишувни истамайди. У исташини айтади, аммо аслида бундай нияти йўқ. Мен Зеленскийнинг катта мухлиси эмасман", — деди АҚШ президенти Newsmax нашрига берган интервьюсида.

Трамп, шунингдек, Путин билан эмас, Зеленский билан музокара олиб бориш қийинроқ эканини таъкидлади.

Зеленский можарони тинч йўл билан ҳал қилишни ва бунинг учун масъулиятни ўз зиммасига олишни истамаяпти. Бу борада Кремль АҚШ президенти Дональд Трамп билан ҳамфикр.

Шу билан бирга, Песков Украина иштирокисиз мамлакатдаги вазиятни ҳал қилишни муҳокама қилиб бўлмаслигини таъкидлади.