Кремль Столтенбергни узоқни кўра олмасликда айблади

Кремль Столтенбергнинг Россияга берилган ракета зарбалари ҳақидаги изоҳини танқид қилди.

Кремль НАТОнинг истеъфога чиқаётган раҳбари Йенс Столтенбергнинг Ғарбнинг Украинага Россияга зарба бериш учун узоқ масофали қуроллардан фойдаланишига рухсат бериш қарори борасидаги изоҳларини «хавфли» деб таърифлади.

«Россия президентининг баёнотларини жиддий қабул қилмаслик ҳақидаги бу кўзга кўринган истак – бу мутлақо узоқни кўра олмаслик ва нопрофессионал ҳаракат», — деди Кремль матбуот котиби Дмитрий Песков.

Столтенбергнинг позицияси «ўта провокацион ва хавфли», дея қўшимча қилди Песков.

Сешанба куни чоп этилган интервьюсида Столтенберг ўтган ҳафта Россия президенти Владимир Путиннинг Украинага Россия ҳудудига чуқур зарба бериш учун Ғарб томонидан етказиб берадиган узоқ масофали қуроллардан фойдаланишига рухсат бериш Ғарбнинг Россия билан тўғридан-тўғри урушаётганини англатади, деган огоҳлантиришини рад этди.