"Америка томонининг таклифига биноан, яқин кунларда олий даражадаги икки томонлама учрашув, яъни президент Владимир Путин ва Доналд Трампнинг учрашувини ўтказиш бўйича келишувга эришилди", — деди Россия президентининг ёрдамчиси Юрий Ушаков.
Унинг сўзларига кўра, Москва ва Вашингтон учрашув бўйича “аниқ тайёргарлик жараёни”га киришмоқда.
Ушаковнинг таъкидлашича, АҚШ президентининг махсус вакили Уиткофф томонидан билдирилган Путин, Трамп ва Зеленский ўртасидаги уч томонлама учрашувни ўтказиш таклифи эса Москва томонидан “изоҳсиз қолдирилган”.