Давлат Думаси томонидан иккинчи ўқишда маъқулланган экстремистик материалларни интернетда қидириш учун жарималар ҳақидаги қонун лойиҳасидан Кремль бехабар.
Россия президенти матбуот котиби Дмитрий Песков интернетда экстремистик материалларни қидириш учун жарима жорий этишни назарда тутадиган қонун лойиҳаси билан таниш эмаслигини айтди.
«Мен депутатларнинг бу ташаббуси билан таниш эмасман… Тафсилотларни билмайман, шунинг учун изоҳ бера олмайман», — деди Песков. Унинг таъкидлашича, ушбу мавзу жамоатчиликда катта муҳокамага сабаб бўлган.
«Одамларнинг саволларига жавоб бериш учун батафсил тушунтиришлар керак», — деди у.
Аввалроқ парламент мазкур қонун лойиҳасини иккинчи ўқишда қабул қилган. Ҳужжат учун 285 депутат овоз берган, 19 киши қарши чиққан ва 20 нафар депутат бетараф қолган.
Қонун лойиҳасига кўра, интернетда "экстремистик материалларни" атайлаб қидириш ва кириш учун 5 минг рублгача жарима кўзда тутилган. Бу VPN орқали амалга оширилган бўлса, бу ҳолат оғирлаштирувчи омил сифатида баҳоланади.
Шунингдек, блокировкани айланиб ўтиш хизматларини реклама қилиш учун ҳам жарималар жорий этилади: жисмоний шахслар учун 80 минг рублгача, юридик шахслар учун эса 500 минг рублгача.
Агар қонун якуний тарзда қабул қилинса, у 2025 йил 1 сентябрдан кучга киради.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
“UzAuto Motors” янги тўлов шартларини эълон қилди
