АОКА ҳузуридаги штабда Коронавирусга қарши курашиш штаби аъзоси Наргиза Нуруллаева иштирокида брифинг бўлиб ўтди. Брифингда коронавирус инфекцияси бўйича муҳим саволлар юзасидан жавоб қайтарилди.
Савол: Коронавирусга чалинганда кўпроқ сув ичиш тўғрисида маслаҳат беришяпти. Сув иссиқ ҳолда ичилиши керакми ёки илиқ бўлиши керакми?
Жавоб: Коронавирусга чалинган беморлар 30-37 даража атрофида суюқликларни ичиши мумкин.
Лекин беморда иситма 38 даража ва ундан юқори бўладиган бўлса иссиқ ичимлик ва суюқликларни ичиш мумкин эмас. Овқатлар иссиқлиги ҳам 37-40 даража бўлиши керак.
Савол: Коронавирус билан касалланганда буйрак билан боғлиқ муаммолар ҳам юзага чиқиши мумкинми?
Жавоб: Коронавирус инфекция фонида сурункали буйрак касалликлари авж олиши мумкин.
COVID-19 инфекцияси оғир кечишида буйрак шикастланиши кузатилади. Бундан ташқари ўта юқори хавф тоифасидаги беморлар - беморлар – бу диализ муолажа олувчилар.
Буйрак патологияси билан боғлиқ муаммоларни олдини олиш мақсадида шифокор томонидан шунга тегишли лаборатор кўрсаткичлар назорат қилинади: мисол умумий пешоб таҳлили, креатинин миқдори, коптокчалар фильтрацияси ва ҳоказо.
