Бугун 14 август, 2020 йил, жума

O'ZB

Коронавирус инқирозидан энг кўп жабр кўрган Европа давлати қайси?

Коронавирус инқирозидан энг кўп жабр кўрган Европа давлати қайси?

Испания иқтисодиёти 2020 йилнинг 2-чораги якунларига кўра 18,5 фоизга пасайган. Бу ҳақда Bloomberg хабар берди ва у Испанияни Европанинг коронавирус инқирозидан энг кўп жабр кўрган давлати деб атади.

Испания иқтисодиётининг пасайиши иқтисодиётчилар прогноз қилгандан юқорироқ бўлган. Улар бу кўрсаткич 16,6 фоизни ташкил қилишини айтишаётганди.  

Испанияда иқтисодий кўрсаткичлар 3-чоракда тикланиши кутилмоқда, бироқ тез ўсишга умид қилинмаяпти. Иқтисодиётнинг тикланишига муваффақиятсиз курорт мавсуми ва коронавируснинг иккинчи тўлқини юз бериши мумкинлигидан хавотир тўсқинлик қилмоқда. Охирги 3 ойда Испания иқтисодиётининг деярли барча тармоқларида қисқариш юз берган. Бироқ коронавирус инқирози чакана савдо, транспорт, туризм ва ресторан бизнесига кучли зарба берган. Умумий ҳисобда бу соҳалар 40 фоизгача даромадини йўқотган.

Шунингдек, коронавирус сабабли киритилган чекловлар ишсизлик даражаси ошишига олиб келган. Бу кўрсаткич 15 фоизга етган. Таъкидланишича, йил охиригача Испанияда ўн минглаб кичик ва ўрта корхоналар касодга учраши кутилмоқда.  

Умумий ҳисобда, евроҳудуд иқтисодиёти 2-чоракда 14,4 фоизга қисқарган. Бу эса статистика олиб бориладиган вақтдан бери энг кучли пасайиш ҳисобланади. Жумладан, Европанинг бош иқтисодиёти ҳисобланадиган Германиянинг ялпи ички маҳсулоти 10,1 фоизга, Францияники 13,8 фоизга қисқарган. 

Киритилди: 10:26 01.08.2020. Ўқилди: 2439 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!