Конор Макгрегорнинг ўзбекистонлик спарринг шериги Mangu 1 турнирида жанг қилди

Тошкентда ММА бўйича Mangu 1 турнири бўлиб ўтмоқда.

Турнирнинг прелим карди доирасида ўзбекистонлик аралаш якка кураш устаси, иккита вазн тоифасида UFC cобиқ чемпиони Конор Макгрегорнинг Дубай шаҳридаги спарринг шериги бўлмиш Баҳромжон Рўзиев октагонга кўтарилди.

Озарбайжон вакили Абдул Фаҳад Аҳмадига қарши кечган тўлиқ 3 раундлик жангда Рўзиев учун дуранг билан якунланди. Жанг давомида Баҳромжондан очколар олиб ташланганини таъкидлаш лозим.

Бу орқали Рўзиев фаолияти давомидаги тўққизинчи жангида илк бор дуранг қайд этди. Унинг ҳисобида еттита ғалаба ва битта мағлубият бор эди.