Конго Демократик Республикасида Эбола вирусидан вафот этганлар сони 86 кишига етди

Конго Демократик Республикасида (КДР) Эбола иситмасидан лаборатория томонидан тасдиқланган ўлим ҳолатлари сони 86 тага етди.

Бу ҳақда мамлакат Соғлиқни сақлаш вазирлиги ўзининг кундалик бюллетенида эълон қилди.

Сўнгги 24 соат ичида касалликдан яна олти киши вафот этди. Эбола вируси билан касалланишнинг тасдиқланган ҳолатлари сони 488 тага етди. 5 июнь оқшомига келиб, бу кўрсаткич 452 тани ташкил этди.

Вазирлик вируснинг янада тарқалишининг олдини олиш учун фаол чоралар кўрилаётганини таъкидламоқда. Расмийлар ҳозирги эпидемия маркази бўлган Итури провинсиясида тиббий изоляция муассасаларининг қувватини оширмоқда. У ерга тиббий ва ёрдамчи ходимлар учун қўшимча шахсий ҳимоя воситалари ҳам юборилмоқда.

КДР ва Уганда ҳукуматлари 15 май куни Эбола эпидемияси бошланганини расман эълон қилишди. Мутахассисларнинг ҳисоб-китобларига кўра, ҳозирги эпидемия Эбола вируси 1976 йилда биринчи марта аниқланганидан бери энг катта ва энг хавфли эпидемиялардан бири ҳисобланади.