Конго Демократик Республикасида (КДР) Эбола иситмасидан вафот этганлар сони 3007 нафарга етди. Мамлакат Миллий соғлиқни сақлаш институти маълумотларига кўра, касалликнинг ўлим даражаси 48,6 фоизни ташкил этмоқда.
ЭФЕ агентлиги хабар беришича, эпидемия бошланганидан буён 1400 дан ортиқ бемор соғайган, яна 830 нафар киши касалхонага ётқизилган.
Айни пайтда вирус тарқалишига қарши кураш чоралари мамлакатнинг олтита вилоятида давом этмоқда. Эпидемия дастлаб қайд этилган Итури провинциясида сўнгги 24 соат ичида 49 та янги ҳолат аниқланган. Шунингдек, Цопо, Бас-Уэле, Юқори Уэле, Шимолий Киву ва Жанубий Киву провинцияларида ҳам касаллик тарқалиши кузатилмоқда.
КДРда Эболанинг Заиир вариантига қарши ишлаб чиқилган Ervebo вакцинаси билан эмлаш кампанияси ҳам бошланган. Расмий маълумотларга кўра, вакцина ҳозирги эпидемияда тарқалаётган Бундибугьё штаммига қарши ҳам ижобий натижалар кўрсатган.
Эбола эпидемияси КДРнинг Итури провинциясида 15 май куни расман эълон қилинган. Кейинчалик вирус мамлакатнинг бошқа ҳудудларига, шунингдек, қўшни Угандага ҳам тарқалган. Жаҳон соғлиқни сақлаш ташкилоти ўтган ҳафта Угандада вирус тарқалиши тўхтаганини маълум қилган.
ЖССТ ушбу эпидемияни тарихдаги энг тез тарқалаётган Эбола эпидемияларидан бири сифатида баҳолаб, унинг кўлами ўн йил аввалги энг йирик эпидемия даражасига етиши мумкинлигидан огоҳлантирган. Ўша эпидемия оқибатида 11 мингдан ортиқ киши ҳалок бўлган.
Тошкент давлат юридик университетида контракт нархлари кескин ошди
“Агар мен президент бўлмаганимда, Исроил ҳам бўлмас эди”
Москвага яширин ташриф: АҚШ бош жосуси Путинга қандай хабар келтирди?
