Колумбияда ўтказилган Monster Truck 2026 шоусида автомобилнинг оломон устига ҳайдаб бориши натижасида камида икки киши ҳалок бўлди ва 37 киши жароҳатланди.
Бу ҳақда Blu Radio хабар бермоқда.
«Иштирокчи автомобиллардан бири бошқарувни йўқотиб, томошабинлар гуруҳига бориб урилган», — дейилади хабарда.
Каука штати губернатори Октавио Гусман ҳалок бўлганлар ва жароҳатланганлар ҳақидаги маълумотни тасдиқлади ҳамда таъзия билдирди.
Унинг қўшимча қилишича, соғлиқни сақлаш хизматлари жабрланганларга ёрдам кўрсатиш учун барча ресурсларни ишга солган.