Жорий йил бошидан бери Германия ёш фуқароларига 194 мингта хат юборилди. Унда Bundeswehrда хизмат қилиш истаги ҳақида сўровнома борлиги айтилган. Бу ҳақда KNA агентлиги Германия мудофаа вазирлиги матбуот хизматига таяниб хабар берди.
Сўровномани тўлдириш эркаклар учун мажбурий, аёллар учун эса ихтиёрий ҳисобланади. Мос келадиган номзодлар кейинчалик саралаш жараёнига таклиф қилинади.
18 ёшга тўлган йигит-қизларга бундай анкеталарни юбориш мамлакат қуролли кучларига чақирув тизимини ислоҳ қилиш бўйича янги қонунда кўзда тутилган чоралардан биридир. Асосий мақсад — ёшларни ҳарбий хизмат ҳақида олдиндан хабардор қилиш ва Бундесвернинг узоқ муддатли кадрлар тайёргарлигини мустаҳкамлаш.
Германияда ҳарбий хизмат ҳозирча ихтиёрий бўлиб қолмоқда. Бироқ зарурат туғилганда парламент қарори билан у қисман қайта жорий этилиши мумкин. “Зарурат бўйича ҳарбий мажбурият” деб аталувчи тизим етарли миқдорда кўнгиллилар топилмаса ишга туширилади. Бундай ҳолда хизматга номзодлар қуръа орқали танлаб олинади.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
АҚШда Россиянинг Т-72 танки дунёдаги энг яхши танклардан бири деб топилди
Оқ уй баёноти: Эрон билан уруш расман «якунланди»
