Колумбия Венесуэла қамоқхоналарида сақланаётган 17 нафар фуқаросининг озод этилганини эълон қилди.
Колумбия Ташқи ишлар вазирлиги баёнотида қайд этилишича, Ташқи ишлар вазири Роса Йоланда Виллависенсионинг фаол дипломатик саъй-ҳаракатлари натижасида Венесуэланинг турли қамоқхоналарида сақланаётган 17 нафар колумбиялик озод этилган.
Вазир давлат телеканали орқали қилган чиқишида Венесуэла Ташқи ишлар вазири Иван Гилга яқин ҳамкорлик ва амалга оширилган ишлар учун миннатдорлик билдирди.
“Бу бизнинг фуқароларимиз ҳуқуқларини таъминлаш ва уларнинг оилалари мурожаатларига жавоб бериш йўлидаги муҳим қадамдир. Колумбияликларни хорижда ҳимоя қилиш — президент маъмуриятининг устувор вазифаси”, — деди Виллависенсио.
Унинг сўзларига кўра, Гил билан мулоқот ҳозирда Венесуэлада ҳибсда сақланаётган бошқа колумбияликларни озод этишни таъминлаш мақсадида давом эттирилади.
Миллий ОАВ хабарига кўра, Венесуэлада қамалган колумбияликлар террорчилик ва саботаж режаларини тайёрлаш, ҳамда мамлакатда ички тартибсизликларни келтириб чиқариш учун мухолифат билан ҳамкорлик қилишда айбланган.
Тошкентда бўлажак куёв қизни алдаб, ҳовлисини сотиб юборгани юзасидан расмий маълумот берилди
Россия қамоғига ташланган ўзбек жамияти раҳбари озод қилинмайдиган бўлди
"Вақт Исроилга қарши ишлаяпти..."
