Коллеж ва техникумларга кириш тест синовлари бўйича якуний натижалар эълон қилинди

Коллеж ва техникумларнинг якуний танлов натижалари (мандат) эълон қилинди. Бу ҳақда Олий таълим, фан ва инновациялар вазирлиги хабар берди.

Шу йилнинг 26–30 сентябрь кунлари 2023/2024 ўқув йили учун профессионал таълим муассасалари (коллеж ва техникумлар) га кириш тест синовлари ўтказилди.

Бунда талабгорларнинг тест синовида тўплаган баллари тест синови ўтказилган куннинг эртасигаёқ my.uzbmb.uz сайтида эълон қилиб борилди.

Профессионал таълим муассасаларига кириш тест синовлари бўйича якуний танлов натижалари эълон қилинди. Талабгорлар танлов натижаларини my.uzbmb.uz сайти орқали шахсий кабинетидан билишлари мумкин.

"Тест синови натижасидан норози бўлган абитуриентлар икки кун давомида (3-4 октябрь кунлари) профессионал таълим муассасасида ташкил этилган апеллация комиссиясига апеллация шикоятини бериш ҳуқуқига эга", — дейилади хабарда.

Эслатиб ўтамиз, 2023/2024-ўқув йили учун профессионал таълим муассасалари (коллеж ва техникум)га кириш тест синовлари 26–29 сентябрь кунлари 2 сменада ўтказилди.