Жефф Безос ва Билл Гейтс каби миллиардерлар томонидан қўллаб-қувватланувчи "KoBold Metals" компанияси Конго Демократик Республикасида литий захираларини қидириш бўйича йирик дастурни бошлади.
Компания 2027 йил бошига қадар ушбу соҳага 50 миллион доллардан ортиқ маблағ йўналтиришни режалаштирмоқда. Бу қадам АҚШнинг муҳим минерал ресурслар бозорида Хитойнинг устуворлигини камайтиришга қаратилган стратегиясининг бир қисми ҳисобланади. Сунъий интеллект технологияларидан фойдаланувчи "KoBold" компанияси аллақачон Конго ғазнасига 20 миллион доллардан ортиқ маблағ тўлаган ва мамлакатдаги энг йирик АҚШ инвесторига айланган.
Разведка ишлари асосан юқори сифатли литий захираларига бой бўлган Маноно минтақасида олиб борилади. Ушбу лойиҳа электромобиллар ишлаб чиқариш ва тоза энергияга ўтиш жараёнида муҳим аҳамиятга эга бўлган глобал таъминот занжирини мустаҳкамлашга хизмат қилади.
Теҳронда Олий раҳбар вафоти муносабати билан катта мотам маросими бўлиб ўтмоқда
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Жавоҳир Синдаров ва ижтимоий тармоқларни портлатган сурат
