Кирби: АҚШ Туркияни муҳим ўйинчи деб ҳисоблайди

Оқ уйнинг стратегик коммуникациялар бўйича координатори Жон Кирби АҚШ Туркияни Суриядаги воқеалар натижасига таъсир кўрсата оладиган муҳим ўйинчи деб билишини айтди.

"Турклар сўнгги ўн тўрт йил давомида бўлгани каби Суриядаги воқеалар натижасига таъсир кўрсатиши мумкин бўлган муҳим ўйинчилар эканлигига ҳеч қандай шубҳа йўқ," - дея унинг сўзларини келтирмоқда РИА Новости.

Шу билан бирга, Кирбининг аниқлик киритишича, айнан шу сабаб АҚШ давлат котиби Энтони Блинкен ўтган ҳафта Туркияга ташриф буюрган, Вашингтон эса Туркия ҳукумати нима қилаётгани ҳақида Анқара билан турли даражаларда муҳокамаларни давом эттирмоқда.