Америкалик қиз ташқи кўринишини модель Ким Кардашьянга ўхшатиш учун пластик жарроҳликка 500 минг АҚШ долларини сарфлади. Унинг сўнги, 21-жарроҳлик амалиёти муваффақиятсизлик билан якун топди. Бу ҳақда "togri.uz" ёзмоқда.
Америкалик Женнифер Памплона модель Ким Кардашьянга ўхшашни жуда истарди. Шу истак оқибатида у пластик жарроҳликка 500 000 АҚШ долларини сарфлади. Унинг 21-жарроҳлик амалиёти муваффақиятсизлик билан тугади.
Ким Кардашьянга ўхшаш қиёфа илинжида 27 ёшли Женнифер Памплона бошидан 20 та пластик жарроҳлик амалиётини ўтказди. У икки марта кўкрагини катталаштирган. Ёнбошини ҳам бир неча мартага катталаштирган.
Шунингдек, Женнифер 8 та қовурғаларини олдирган, бурнининг шаклини икки марталаб ўзгартирган. Шунга қарамай ёш қиз ўз қиёфасидан кўнгли тўлмайди ва лабларини шиширишга аҳд қилади.
Сўнги лаб шишириш амалиётидан кейин Женниферда аллергия бошланади: лаблари ҳаддан ортиқ шишиб, тўхтовсиз қонай бошлайди. “Кўзгуга қараганимда, ўз кўринишимдан қўрқиб кетдим. Кўзларимга ишонмадим. Лабларим худди балиқникига ўхшаб қолганди”, дейди қизнинг ўзи.
Барча оғриқ ва жарроҳликлардан сўнг Женнифер бор табиий чиройидан айрилган эди. Энди у жарроҳлик амалиётига бошқа мурожаат қилмайди.