Ким Чен Ин Шимолий Кореянинг ядровий кучларига қўмондонлик қилишни 13 ёшли қизига ишониб топширди

Шимолий Корея етакчиси Ким Чен Ин 13 ёшли қизини мамлакат ракета дастурига раҳбар этиб тайинлади.

Жанубий Кореянинг The Chosun Daily нашри бу ҳақда разведка маълумотлари билан таниш ҳукумат манбаларига таяниб хабар берди.

Нашр манбаларига кўра, Ким Чен Иннинг қизи Ким Жу-е "ракета бўлинмасининг бош директори" вазифасини бажармоқда. Гарчи Жанг Жанг-ҳа расман бу лавозимни эгаллаб турган бўлса-да, генераллардан ҳисоботларни қабул қиладиган ва ҳатто буйруқлар берадиган шахс раҳбарнинг қизидир. Разведка шунингдек, унинг ҳозирда Пхенянда бўлиб ўтаётган Ишчи партиясининг 9-съезди давомида айрим сиёсий масалалар бўйича фикр билдирганини ҳам қайд этган.

Эслатиб ўтамиз, Жанубий Корея разведка хизмати 12 февраль куни парламент қўмитасига бу "ворис сифатида тайинлаш босқичи" эканлигини маълум қилган. The Chosun Daily хабарига кўра, Шимолий Корея етакчисининг қизи 2022 йил ноябрь ойида, отаси билан бирга "Хвасонг-17" қитъалараро ракетасини учириш маросимида қатнашганида расман эълон қилинган. Унинг исми ошкор қилинмаган.