Киевда Франция, Буюк Британия ва Украина вакиллари ҳарбий контингент жойлаштириш масаласида учрашувлар ўтказди — Владимир Зеленский

Украина президентининг сўзларига кўра кўра, учрашувларда қуруқликда, ҳавода ва денгизда ҳарбий иштирок ҳамда ҳаво ҳужумидан мудофаа масалалари муҳокама қилинган.

Владимир Зеленскийнинг бошқа баёнотлари:

◾️ Бизда Вашингтон ўт очишни тўхтатиш чораларига яқинлашгани ҳақида маълумот бор;

◾️ Ўйлайманки, АҚШ тез орада урушни якунлашни истамаётган россияликларга нисбатан санкцион босимни кучайтиради;

◾️ Музокараларни бошлашимиз учун руслар қотилликларни тўхтатиши керак;

◾️ Қўшма Штатлар билан фойдали қазилмалар бўйича музокараларда Украина номидан юридик компания вакиллик қилади. Ҳозирда учта компания номзод сифатида кўриб чиқилмоқда, бироқ улардан бири танланади;

◾️ Келаси ҳафта АҚШ билан фойдали қазилмалар бўйича битимнинг Украина томони таклиф қилган тузатишлари келишилади. Шундан сўнг Қўшма Штатларга мулоқот учун техник делегация жўнатилади. Ҳозирча АҚШга шахсан ўзим боришни режалаштирмаяпман;

◾️ Француз ҳарбийлари Украинага биринчилар қаторида етиб келади. Уларнинг қачон келиши ва қанча сонда бўлишини айта олмайман, бу борада келишувларимиз бор;

◾️ Путиннинг махсус вакили Кирилл Дмитриев АҚШ ва Европага сафарлари чоғида Россиянинг музлатилган 300 миллиард долларлик активларига қўйилган чекловларни олиб ташлаш масаласида келишишга уринган.