Киев вилоятида олти киши ҳалок бўлгани ҳақида 24 июл куни кундузи Украина президенти Володимир Зеленский маълум қилди. У яна 10 киши яраланганини таъкидлади.
"Барча ҳолатлар ва одамларнинг тақдирига аниқлик киритилмоқда. Воқеа жойида барча зарур хизматлар ишламоқда", – деб ёзди Зеленский.
Украина қуролсозлар кенгаши хабарига кўра, зарба Украина мудофаа саноати вакиллари бўлган жойга берилган.
Киев вилояти ҳарбий маъмурияти раҳбари вазифасини бажарувчи Руслан Олейник Буча туманига энг катта зарар етказилганини ёзди.
"Дастлабки маълумотларга кўра, зарба тадбирлар ўтказилаётган хусусий полигон ҳудудига берилган. Ҳозирда ушбу маълумот синчковлик билан текширилмоқда", – дея қўшимча қилди у.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Россияда мигрантларни депортация қилиш учун асослар кенгайтирилди
