Киев Москвага чақириқ билан мурожаат қилди

Украина президенти девонхонаси раҳбари Андрей Ермак Россия урушни тугатиш бўйича ўз самимий ниятини тасдиқлаши лозимлигини маълум қилди.

"Агар Россия чиндан ҳам ҳарбий ҳаракатларни якунлашни истаса, у дарҳол Украинани кунлик ўққа тутишни тўхтатиши шарт," дея ўз Телеграм-каналида ёзди Ермак.

Ушбу баёнот Украина президенти Владимир Зеленский ижтимоий тармоқларда АҚШ президенти Доналд Трампнинг "кучли раҳбарлик"ини мақтаб, Украинага ҳарбий ёрдам учун миннатдорчилик билдирган ва улар ўртасидаги сўз олишувни "ачинарли" деб таърифлаган хабарни эълон қилганидан сўнг янгради.

Зеленский Трамп билан "музокаралар столига ўтиришга" ва фойдали қазилмалар бўйича битим имзолашга, шунингдек, денгиз ва ҳавода ўт очишни тўхтатишни қўллаб-қувватлашга тайёр эканлигини билдирди.