Украина Ҳиндистонни Россия билан урушни ҳал қилиш бўйича музокараларда мумкин бўлган воситачи деб ҳисобламайди. Бироқ бош вазир Нарендра Модининг 23 август куни Киевга ташрифи қўллаб-қувватлаш рамзи сифатида қабул қилинмоқда. Бу ҳақда The New York Times Украина расмийларига таяниб ёзмоқда.
Украина расмийлари Модининг ташрифини дипломатик қўллаб-қувватлаш жести ва урушни тугатиш бўйича музокараларни олға силжиш учун потенциал ижобий сигнал сифатида кўрмоқда.
Аввалроқ, июль ойи бошида Моди Москвага ташриф буюрган ва у ерда Россия президенти Владимир Путин билан учрашган эди. Ушбу учрашувда Ҳиндистон Бош вазири уруш муаммоларга ечим бўла олмаслигини таъкидлади.