АҚШнинг Огайо штатидан демократ конгрессмен Жойс Битти Вашингтондаги Кеннеди маркази номининг ўзгартирилгани муносабати билан президент Дональд Трамп ва унинг томонидан тайинланган бошқарув кенгаши аъзоларига қарши суд даъвосини киритди.
Даъвода таъкидланишича, Трамп ўзини Кеннеди маркази бошқарув кенгаши раиси этиб тайинлаганидан сўнг, кенгаш марказ номини Дональд Ж. Трамп ва Жон Ф. Кеннеди номидаги Ижро санъати маркази деб ўзгартириш учун овоз берган. Орадан бир кун ўтиб, бинога Трамп номи Кеннедининг исми устига ёпиштирилган.
Жойс Битти бу қарорни «қонунни атайлаб бузиш» деб баҳолаб, Кеннеди маркази номи қонун билан белгилангани сабабли уни ўзгартириш фақат Конгресс қарори билан амалга оширилиши мумкинлигини билдирди. Унинг айтишича, овоз бериш вақтида у эътироз билдирмоқчи бўлган, аммо виртуал йиғилишда овози ўчириб қўйилган.
Ном ўзгариши демократлар, шунингдек, Кеннеди оиласи аъзоларининг кескин қаршилигига сабаб бўлди. Танқидчилар буни Трамп маъмуриятининг Вашингтонда жамоат маконларини ўз сиёсати ва шахсий имижига мослаштиришга қаратилган навбатдаги қадами, деб ҳисобламоқда.
Маълумотларга кўра, Трамп февраль ойида марказ бошқарувини қўлга олганидан сўнг, чипталар савдоси кескин камайган, айрим санъаткорлар эса у ерда чиқиш қилишдан бош тортган.
Оқ уй ва Кеннеди маркази матбуот хизмати ҳозирча ушбу даъво юзасидан расмий изоҳ бермади.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия дарҳол ҳарбий ҳаракатларни тўхтатишга тайёр,
