Қайнона куёвидан сўради:
— Мени фалокатдан қутқариб қолган одамни кўрдингизми?
— Ҳа, кўрдим. У мендан қайта-қайта кечирим сўради...
* * *
— Оғайни, менга о-озгина қарз бериб туролмайсанми?
— Озгина деганинг қанча?
— Шунчалик бўлсинки, қайтариш менинг эсимдан ҳам чиқиб кетсин, сенга эса «Қайтармадинг», деб эслатиш ноқулай бўлсин!
* * *
— Айбланувчи, пулни қаердан олдингиз?
— Топдим!
— Қаердан?
— Жабрланувчининг чўнтагидан!
* * *
Футболчи интервью бермоқда:
— Мен бу мавсумда 10та гол уришни ният қилдим. Фақат битта «лекин»и бор.
— Қанақа «лекин» экан?
— Мен дарвозабонман.
* * *
— Менинг турмуш ўртоғим — дунёдаги энг романтик, энг кўнгилчан инсон! Машинасининг капотига мих билан юрак суратини чизиб қўйганимни кўрганида, кўзларига ёш келди.
* * *
— Яхши қиз, кейинги бекатда тушасизми?
— Йўқ!
— Бекор қиласиз. Жуда яхши бекат...
* * *
Никоҳ тўйида гувоҳлардан бири иккинчисига деди:
— Афсуски, мен келинни яхши билмаганим учун куёвни табриклай олмайман.
— Мен эса куёвни жуда яхши билганим учун келинни табриклай олмайман.
* * *
— Қодиров, нега ҳадеб соатга қараяпсиз?
— Шундай қизиқарли дарсингизни қўнғироқ бузиб қўймасмикин, деб қўрқяпман-да.
* * *
Футбол томоша қилаётган хотин эридан ҳайрон бўлиб сўради:
— Дадаси, нега ҳув анави кишининг ёнида ўтирган одамлар бир-бири билан уришишяпти?
— Судьяга шиша отгани учун.
— Ахир унга тегмади-ку!
— Шунинг учун ҳам уришишяпти-да!
* * *
— Хоним!
— Лаббай, дадажониси?
— Чўнтагимда роппа-роса етмиш бир минг сўм бор. Ўзингизга қанча керак бўлса, шунчасини олиб ишлатинг. Мена етмиш минг сўм қолса ҳам бўлаверади.
* * *
— Ҳамма сени бахтнинг ўзи қидириб топади, дейди..
— Ҳа, нима? Рост гап!
— Аммо мен бир нарсани тушунолмай ҳайронман: ёки мен шунақа зўр беркиняпман, ёки бахт мени ёмон қидиряпти!
* * *
— Нима деб ўйлайсан, севгилимга туғилган кунига нима совға қилсам бўлади?
— У жудаям хоҳлайдиган буюмни совға қил!
— У истайдиган нарсаларни совға қилиш учун бутун бошли уйимни сотсам ҳам, барибир, пулим етмайди, ошна!
* * *
Ҳужжатларни текшираётган ЙҲХБ ходимига ҳайдовчи асабий оҳангда деди:
— Илтимос, тезроқ бўлинг, ортимдан ҳамкасбларингиз қувиб келишяпти.