Каттақўрғонда хатланган автокран 2,3 миллиард сўмга аукцион орқали сотилди

Каттақўрғон туманида Мажбурий ижро бюроси томонидан хатланган автокран аукцион савдолари орқали сотилиб, тушган маблағ қарздорнинг банк олдидаги мажбуриятларини қоплашга йўналтирилди.

Фуқаролик ишлари бўйича Каттақўрғон туман судининг 25.04.2024 йилдаги ижро варақасига асосан, Бюронинг Каттақўрғон туман бўлими иш юритувига жавобгар «О.R» Х/К ва «М.MМ» Н/М.га нисбатан ижро ҳужжати келиб тушган.

Жавобгарлардан даъвогар — «Ўзсаноатқурилишбанк» АТБ фойдасига 321 минг АҚШ доллари миқдоридаги қарз ундирилиши белгиланган.

Белгиланган муддатда қарздорлар томонидан мажбуриятлар бажарилмаганлиги сабабли, тезкор ижро тадбирлари давомида 2019 йилда ишлаб чиқарилган XCMG QY55KC русумли автокран давлат ижрочилари томонидан аниқланиб, қонун талабларига мувофиқ хатланди ва аукцион савдоларига чиқарилди.

Натижада мазкур автокран аукцион орқали 2 328 миллион сўмга сотилиб, тушган маблағ қарздорларнинг мажбуриятларини қоплашга йўналтирилди.