Журналистлар билан суҳбатда Байдендан Нетаняхунинг суд-ҳуқуқ ислоҳоти қонунчилигини олға силжишига қарши мамлакат бўйлаб ҳукуматга қарши норозилик намойишларидан сўнг Исроил энг қийин нуқтада эканлигига ишонасизми, деб сўрашди. «Улар қандай нуқтадалигини билмайман, лекин менимча, бу қийин ҳолат ва улар буни аниқлашлари керак», деди Байден.
Президент: “Умид қиламанки, у [Нетаняху] бундан воз кечади”, деб қўшимча қилди.
Аввалроқ Байдендан Исроил бош вазирини Вашингтонга таклиф қилиш-қилмаслиги сўралганда «Йўқ, яқин орада эмас”, - деб жавоб берди.
Кечқурун Твиттердаги постида Нетаняху Байденга жавоб қайтарди. Маълумотларга кўра, АҚШ босими охир-оқибат Нетаняхуни Исроил тарихидаги энг ўнг қанот ҳукумат томонидан қўллаб-қувватланган суд тизимини ислоҳ қилиш режасидан воз кечишга олиб келди.
“Исроил ва Қўшма Штатлар ўртасидаги иттифоқ бузилмайди ва ҳар доим орамиздаги вақти-вақти билан юзага келадиган келишмовчиликларни бартараф этилади”, деган Нетаняху ўз постида. Демократияга путур етказаётгани ҳақидаги даъволарни рад этган исроиллик сиёсатчи унинг маъмурияти ҳукуматнинг учта тармоғи ўртасида тўғри мувозанатни тиклаш орқали демократияни мустаҳкамлаш тарафдори эканини айтган.
“Исроил ўз қарорларини чет эл, жумладан, энг яхши дўстлар босимига асосланмаган ҳолда, ўз халқининг хоҳиш-иродасига кўра қабул қиладиган суверен давлатдир", деди у. Бу афтидан, АҚШ ва Исроил ўртасидаги муносабатлар ёмонлашганидан далолат беради.
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
