Таниқли Transfermarkt портали ўз терма жамоалари билан 2026 йилги жаҳон чемпионати ярим финалига қадар етиб келган энг қимматбаҳо ўйинчилар рейтингини тузди.
Рўйхатни бугун 19 ёшини нишонлаётган испаниялик Ламин Ямал («Барселона») бошқармоқда — унинг қиймати 200 миллион еврога баҳоланмоқда. Иккинчи ўринни Мадриднинг «Реал» клуби аъзоси, франциялик Килиан Мбаппе эгаллаб турибди — 180 миллион евро. Учинчи ўринни эса испаниялик Педри («Барселона») ва франциялик Майкл Олисе («Бавария») ўзаро бўлишиб туришибди — ҳар бири 150 миллион евродан. Англия терма жамоаси вакили Жуд Беллингем («Реал» Мадрид) эса 130 миллион евро билан бешликни якунлаб берди.
Эътиборлиси шундаки, ўнликдаги ягона аргентиналик вакил 100 миллион еврога баҳоланган Хулиан Альварес бўлди. «Атлетико» ҳужумчиси топ-10 рўйхатини якунлайди.
Эслатиб ўтамиз, 14 июль куни Испания ва Франция биринчи ярим финалда майдонга тушади, бир кун ўтиб эса Аргентина ва Англия ўртасидаги баҳсда финалга иккинчи йўлланма эгаси аниқланади.
АҚШ Испания футбол терма жамоасидан салкам 13 млн доллар солиқ талаб қилди
ЖЧ-2026 ўйинлари келишилган бўлиши мумкин
Моуриньо «Реал» ҳимоячисига эшикни кўрсатди
