Жасур янги дунё: америкаликлар Хитой ижтимоий тармоғига ўтмоқда

АҚШ Олий суди томонидан TikTok'ни тақиқлаш бўйича қарор қабул қилинишини кутган ҳолда америкалик фойдаланувчилар оммавий равишда Хитойнинг Xiaohongshu (小红书) ижтимоий платформасига ўтишни бошлади, деб ёзади The Wired.

Душанба ҳолатига кўра, илова расмий инглизча номига эга бўлмаганига қарамай, АҚШ App Store дўконида энг кўп юклаб олинган №1 илова бўлди.

"Мен Марк Цукербергга тегишли ижтимоий тармоқдан фойдалангандан кўра тушунмайдиган тилни кўрганни афзал кўраман", деди фойдаланувчилардан бири якшанба куни Xiaohongshu да эълон қилинган видеода.

300 миллиондан ортиқ фойдаланувчига эга Xiaohongshu 'дастлаб саёҳат ва турмуш тарзи мазмунини алмашиш учун платформа сифатида яратилган. Ўзларини "TikTok қочқинлари" деб атайдиган янги фойдаланувчилар навигация қилиш учун таржимонлардан фойдаланадилар.

Катта силжиш АҚШ Олий суди жума куни TikTok'ни 19-январга қадар АҚШдаги операцияларини сотишга ёки бозорни тарк этишга мажбурлаши мумкин бўлган қонун бўйича далилларни эшитган пайтга тўғри келди. Мутахассисларнинг таъкидлашича, судялар қонунни конституциявий ҳукм қилишга мойил.

Платформа TikTok'дан сезиларли даражада фарқ қилади: контентнинг аксарияти қисқа видеолар эмас, балки матн тавсифлари билан суратлардир. Хитойлик фойдаланувчилар янги келганларни фаол кутиб олишади ва уларга тил тўсиғига қарамай қулай бўлишларига ёрдам беришади.

“Кўпчилик янги фойдаланувчилар энди қизиқиш босқичида. Ўйлайманки, вақт ўтиши билан маданий шок ёки фарқлар пайдо бўлиши мумкин, аммо бу бир-биримизни чуқурроқ билиш жараёнининг бир қисми бўлади”, деб изоҳлайди платформанинг хитойлик фойдаланувчиси Девид Янг.

Бироқ, Xiaohongshu TikTok билан бир хил тақдирга дучор бўлиши эҳтимоли бор, чунки қабул қилинган қонун ҳар қандай "хорижий душман томонидан бошқариладиган иловани" блокировка қилиш имкониятини назарда тутади. Шунга қарамай, платформа америкалик фойдаланувчилар орасида машҳурлик қозонишда давом этмоқда.

2013-йилда Шанхайда ташкил этилган Xiaohongshu 2024-йилда йиллик даромади 1 миллиард доллардан ортиқ бўлган Хитойдаги энг муваффақиятли платформалардан бири ҳисобланади. Платформа материк Хитойдан ташқаридаги хитой тилида сўзлашувчи фойдаланувчилар, жумладан, чет эллик талабалар ва турли мамлакатлардаги диаспоралар орасида ҳам машҳур.