Мажбурий ижро бюроси Жарқўрғон туман бўлими иш юритувига қабул қилинган ижро ҳужжатига кўра туманда фаолият юритиб келаётган “Surxon teks” масъулияти чекланган жамиятидан ўз вақтида тўланмаган 850 миллион сўм солиқ қарздорлигини ундириш белгиланган.

Ижро ҳужжати юзасидан қарздор жамият раҳбарига тушунтириш ишлари олиб борилиб, қарздорликни бартараф этиш учун 15 кунлик ихтиёрий муддат берилди. Акс ҳолда 17 миллион сўм ижро йиғими қўлланилиб, мажбурий ижро ҳаракатларига киришилиши ҳақида расман огоҳлантирилди.

Шундан сўнг, жамият раҳбари масъулиятни ўз зиммасига олиб, белгиланган ихтиёрий муддатда 850 миллион сўм солиқ қарздорлигини тўлиқ тўлаб берди ва ортиқча тўловларга зарурат қолмади.

Мажбурий ижро бюроси органлари томонидан солиқ қарздорликларини ундиришга қаратилган назорат тадбирлари тизимли равишда амалга оширилмоқда.