Ҳиндистон Иттифоқининг Жамму ва Кашмир ҳудудидаги теракт оқибатида етти нафар тинч аҳоли – олти нафар ишчи ва бир шифокор ҳалок бўлди, беш нафари яраланди.
Бу ҳақда Иттифоқ ҳудуди полицияси хабар берди.
Ҳужумчилар Гунд ҳудудида туннель қурилиши билан шуғулланувчи хусусий компания ишчилари жойлашган лагерга қарата ўт очган. Полиция маълумотларига кўра, лагерга қуролланган икки киши кириб, электр энергиясини узиб, одамларни отиб ташлаган. Ҳужум содир бўлган ҳудуд ўраб олинган, террорчиларни қидириш ишлари давом этмоқда.
India Today телеканали манбаларга таяниб хабар беришича, ҳужум учун жавобгарликни Покистонда жойлашган Қаршилик фронти террорчилик гуруҳи ўз зиммасига олган. У сўнгги бир ярим йил давомида Кашмирда фаол бўлган, дея эслайди телеканал.
Кашмир Ҳиндистон ва Покистон ўртасида 1947 йилда Британия Ҳиндистони мустақил бўлиб, диний жиҳатдан икки давлатга бўлинганидан бери баҳс бўлиб келмоқда. Бу ҳудудда 1947 ва 1965 йилларда Ҳиндистон-Покистон урушлари бошланган. Ҳозирда Кашмирда давлат чегараси йўқ: унинг ҳудуди Назорат чизиғи билан бўлинган, бу ерда ҳарбий кескинлик сақланиб қолмоқда. Ҳиндистон қисмида мамлакатдан ажралиб чиқиш тарафдори фаол гуруҳлар мавжуд. Янги Деҳли Исломободни экстремистларни қўллаб-қувватлашда айблайди.
Украина душман учун «Жаҳаннам» тайёрлади
16 декабрь куни яна изғирин совуқ қайтади
Талабаларга Янги йил байрамини нишонлаш тақиқланди
