Жаҳон банки "Украинадаги заиф муҳитда барқарор инфратузилмани яратиш" DRIVE лойиҳаси доирасида мамлакат транспорт инфратузилмасини тиклаш учун 432 миллион доллар ажратади.
Бу ҳақда Украина бош вазири Денис Шмихал ўзининг Телеграм-каналида маълум қилган.
"Украина Жаҳон банкидан транспорт инфратузилмасини тиклаш учун 432 миллион доллар олади. DRIVE лойиҳаси доирасида тегишли келишувлар бугун Киевда Тараққиёт вазирлиги ва Жаҳон банки ўртасида имзоланди", деб ёзди у.
Шмихалнинг сўзларига кўра, лойиҳа мамлакатнинг 19 та ҳудудидаги йўллар ва кўприкларни капитал таъмирлаш, автомобиль йўлларини модернизация қилиш, модулли кўприклар ўрнатиш, шунингдек, техник ёрдам кўрсатишни назарда тутади. У Украина инфратузилмасини тиклаш ва ривожлантириш давлат агентлиги томонидан амалга оширилади.
Бош вазир маблағлар Украина бюджетига қачон ўтказилишини айтмади.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
ТЕЗКОР АХБОРОТ: Ўзбекистоннинг баъзи ҳудудларини сув босиши мумкин
