Избоскан туманида жойлашган масжидда юз берган портлаш юзасидан жиноий иши қўзғатилди. Бу ҳақда бош прокуратура матбуот котиби Ҳаётбек Шамсуддинов хабар берди.
Аниқланишича, Избоскан туманда жойлашган “Ахмадали хожи” масжидининг тахоратхона биноси ертўласида иситиш мосламаларига уланган газ қувурларидан сизиб чиққан табиий газ, хона ичига тўпланиб қолиши натижасида, электр энергияси ёқилган вақтда чақнаш содир бўлиб, бино қулаб тушган.
Натижада бино ичида бўлган 10 нафари шахслар турли даражада тан-жароҳатлари олган ва 3 нафар шахслар воқеа жойида вафот этган.
Мазкур холат юзасидан Андижон вилоят прокуратураси томонидан Ўзбекистон Республикаси Жиноят кодексининг 205, 259-моддалари билан жиноят иши қўзғатилиб, дастлабки тергов ҳаракатлари олиб борилмоқда.
Тергов ҳаракатлари давомида барча холатлар тўлиқ ўрганилиб, қонуний қарор қабул қилиниши таъминланади.
🔴 БАА судидан шов-шувли қарор: ўзбекистонликлар ўлимга ҳукм қилинди!
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ Украина билан урушдан кейин Россия учун янги режа таклиф қилади
