Бугун эрталаб Италиянинг ҳаво ҳаракатини бошқариш хизмати — ENAV тизимида юзага келган йирик техник носозлик мамлакат бўйлаб авиақатновларда кечикишлар ва рейслар бекор қилинишига сабаб бўлди. Муаммолар нафақат учиб кетиш ва қўниш рейсларига, балки Италия ҳаво ҳудуди орқали учиб ўтаётган самолётларга ҳам таъсир кўрсатди.
Носозлик ҳаво ҳаракатини бошқаришда фойдаланиладиган маълумотлар узатиш тармоғида юзага келган. Расмийлар киберҳужум ва қўпорувчилик эҳтимолини истисно қилди. Парвозлар хавфсизлигини таъминлаш мақсадида маҳаллий вақт билан соат 06:00 дан бошлаб диспетчерлар ҳаво ҳудудининг ўтказиш қувватини вақтинча тахминан 50 фоизга қисқартирди.
Cirium таҳлил компанияси маълумотларига кўра, эрталабга келиб 192 та рейс бекор қилинган. Италия аэропортларидан амалга оширилган парвозларнинг атиги 31 фоизи белгиланган вақтда учиб кетган.
Милан ва Рим шаҳарларида вазият айниқса мураккаб бўлган. Ушбу шаҳарларда рейсларнинг мос равишда 25 ва 28 фоизигина ўз вақтида амалга оширилган.
Кун давомида ENAV захирадаги сунъий йўлдош тармоғи орқали тизим ишини тиклашга муваффақ бўлди. Дастлаб тармоқ одатий ўтказиш қувватининг тахминан 75 фоизини таъминлади. Кейинчалик эса хизмат тизим тўлиқ тикланганини маълум қилди.
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
Роналдунинг севгилиси Мессининг оиласига учта сўз билан мурожаат қилди
Ўзбекистонда уч қиздан кейин оила тўрт нафар ўғил фарзанд кутаётгани маълум бўлди
