Истанбулдан Тошкентга учган самолёт Анқара аэропортига фавқулодда қўнишни амалга оширди. Бу ҳақда «Uzbekistan Airways» матбуот хизмати хабар берди.
Қайд этилишича, бугун, 30 октябрь куни HY282 рейси бўйича Истанбулдан Тошкентга учаётган самолёт бортида бўлган йўловчи ўзини ёмон ҳис қилган. Шу боис самолёт командири Анқара халқаро аэропортига қўнишни сўраган.
Тошкент вақти билан 10:12 да самолёт Анқара шаҳридаги аэропортга муваффақиятли равишда қўндирилган. Шундан сўнг тиббий хизматлар йўловчини рейсдан тушириб, тиббиёт муассасасига етказган.
«Тошкент вақти билан 13:20 да самолёт Анқарадан Тошкентга учиб кетди. Самолёт Тошкент халқаро аэропортига 16:10 да етиб келиши кутилмоқда», дейилади «UzAirways» хабарида.
Алишер Усмонов номзодини 103та давлат қўллаб-қувватлади
Россия Эронни огоҳлантиргани маълум бўлди
Украина фронтининг «қулаши» эълон қилинди
