ҲАМАС можарони ҳал этиш ва мустақил Фаластин давлатини барпо этиш жараёни доирасида Исроилга 5, 7 ёки 10 йиллик оташкесим сулҳини таклиф қилишга тайёрлигини билдирди — Associated Press.
Агентлик бу ҳақда ҲАМАС сиёсий бюроси аъзоси Басем Наимнинг баёнотига таяниб хабар бермоқда.
"Гап аввало, АҚШ президенти Доналд Трампнинг Ғазо сектори бўйича тинчлик режасининг биринчи босқичини тўлиқ якунлаш, иккинчидан эса натижаси мустақил Фаластин давлатини ташкил этиш бўладиган сиёсий жараённи бошлаш ҳақида кетмоқда. Шу вақт давомида биз беш, етти ёки ўн йилга ўт очишни тўхтатиш ёки сулҳ келишувига тайёрмиз", — деди Наим.