Semafor нашрининг АҚШ расмийларига таяниб хабар беришича, шу ҳафта Исроил Қўшма Штатларни Эрон ва унинг иттифоқчилари ҳужумларидан ҳимояланиш учун тўхтатувчи ракеталарнинг жиддий етишмовчилиги ҳақида хабардор қилган.
Нашр манбаларининг таъкидлашича, Исроил Эронга қарши қуролли можарога чекланган тўхтатувчи ракета захираси билан кирган. Уларнинг айтишича, армия ўтган ёзда Эрон билан тўқнашувлар пайтида ракеталарининг катта қисмини сарфлаган.
Бироқ Оқ уй бу етишмовчиликдан ҳайратда қолмади. "Буни биз кутган ва олдиндан билган эдик", деди АҚШ расмийларидан бири нашрга.
Semafor'нинг манбасига кўра, АҚШ тўхтатувчи ракеталар етишмовчилигини бошдан кечирмаяпти ва Вашингтон Яқин Шарқдаги иншоотларини ҳимоя қила олади. Бироқ, АҚШ ракеталарни Исроилга сотадими ёки топширадими, ҳали ҳам номаълум, чунки бу унинг ўз арсеналига путур етказиши мумкин.
"Исроил ҳужумлардан ҳимояланишнинг бошқа усулларига ҳам эга, масалан, унинг қуролли кучлари қирувчи самолётлардан фойдаланиши мумкин. Бироқ ҳаво ҳужумидан мудофаа тизимлари узоқ масофали ракеталарга қарши энг самарали воситадир", дейилади хабарда.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
