Исроил Яқин Шарқдаги исталган нуқтага ҳужум қилишга тайёрлигини маълум қилди

Исроил мудофаа кучлари Яқин Шарқ минтақасининг исталган нуқтасига ҳужум қилиши мумкин. Бу ҳақда Исроил армияси бош штаби бошлиғи Герзи Ҳалеви Эронга жавоб зарбаси бериш эҳтимолини изоҳлар экан , дея хабар беради Reuters .

«Биз Яқин Шарқнинг исталган нуқтасига етиб бориш ва ҳужум қилиш имкониятига эгамиз. Буни ҳали тушунмаган душманларимиз эса тез орада тушунишади», - дейди ҳарбий.

Ҳалеви, шунингдек, Исроил Теҳрондан берилган ракета зарбасига «албатта жавоб беришини» таъкидлаб , Исроил армияси ўқ отиш учун мўлжалларни тўғри топишга ва уларни кенг миқёсда зарба беришга қодирлигини қўшимча қилди.