Исроил ва ҲАМАС орасида сулҳ бўйича келишув яқин

Исроил ва Фаластиндаги ҲАМАС ҳаракати Газа секторидаги урушни тўхтатиш бўйича музокараларда мувофаққиятга яқинлашди, деб хабар беради Israel Ha-Yom нашри. Маълумотларга кўра, ҲАМАС музокараларда мўътадил ёндашув намоён қилган.

Келишув доирасида:

• 1-кун: ҲАМАС 8 нафар тирик гаровдагини озод қилади, шунингдек 6 нафарнинг жасадини қайтаради;

• Қўшимча равишда яна 2 нафар 60 кунлик сулҳ даврида озод қилинади;

• Исроил эса фаластинлик маҳкумларнинг бир қисмини озод қилади.

Сулҳ жараёнининг 60 кунлик муддати давомида томонлар урушни тўлиқ тўхтатиш бўйича музокараларни давом эттиради.

ҲАМАС аввалги талабларидан — яъни:

• бошқа уруш ҳаракатлари тикланмаслигига кафолат сўраш ва

• Исроил қўшинларининг Газадан тўлиқ чиқиб кетиши
  талабларидан воз кечди.