Исроил ва дунё етакчилари Эрдоғаннинг Исроилни босиб олиш таҳдидига муносабат билдирди.

Эрдоған Туркиянинг Исроил билан ҳарбий можарога киришиши мумкинлигига ишора қилди. Унинг айтишича, Туркия “Исроилга кириши” мумкин. Буни Тоғли Қорабоғ ва Ливиядаги ҳаракатлар билан солиштирганда:

“Биз Исроил Фаластин билан бу даҳшатли ишларни қилолмаслиги учун кучли бўлишимиз керак, худди биз Ливияга кирганимиз каби, улар билан ҳам шундай қилиши мумкин", — деди Эрдоған Ливан ва Исроил ўртасидаги Голан тепаликлари учун ҳужумдан кейин кескинлашган вазиятни изоҳлаб.

Исроил ташқи ишлар вазири Кац Х платформасидаги постида Туркия президентини қаттиқ қоралади:
“Эрдоған Саддам Ҳусайн йўлидан юриб, Исроилга ҳужум қилиш билан таҳдид қилмоқда, у ерда нима бўлганини ва у қандай тугаганини эслаши керак”.

Туркия ТИВ бунга жавобан “Геноцид Гитлернинг умрига зомин бўлгани каби, Нетаняхунинг ҳам охири бўлади”, — деб жавоб берди.

“Нацист жиноятчилар жавобгарликка тортилганидек, фаластинликларни йўқ қилмоқчи бўлганлар ҳам жазоланади. Инсоният фаластинликларни қўллаб-қувватлайди. Сиз фаластинликларни йўқ қила олмайсиз”, — дея қўшимча қилди департамент.

Исроил мухолифати етакчиси ва “Еш Атид” партияси раиси Яир Лапид “Президент Эрдоған яна хаёлпарастлик қиляпти. У Яқин Шарқ учун хавфли”, — деди. Шунингдек, у НАТО таҳдидларни қоралаши ва уни “Ҳамасни қўллаб-қувватлашни тўхтатишга мажбур қилиши” кераклигини қўшимча қилди.

Голландияда яқинда бўлиб ўтган сайловларда ғалаба қозонган “Озодлик” партияси раҳбари Герт Вилдерс Президент Эрдоғаннинг “бутунлай ақлдан озган”лигини айтиб, Туркияни НАТОдан чиқаришни таклиф қилди. У Эрдўғонни “исломофашист” деб ҳам атаган.

Исроилдаги 14-каналда шундай баёнот берилди: “Исроил Эрдоғанни огоҳлантирди: агар таҳдид қилсанг, сени йўқотамиз”.