Исроил Ғазога ҳаводан ҳужум қилди

Исроил ҳарбий-ҳаво кучлари Ғазо шаҳрининг бир қанча ҳудудларига бир қатор ҳаво ҳужумларини амалга оширди.

Бу ҳақда Al Jazeera телеканали маълум қилди.

Зарбалардан бири шаҳарнинг шимолий қисмидаги ал-Шифа тиббиёт марказига қаратилган.

Хабар қилинишича, Исроилнинг Ғазо шаҳри жанубидаги Сариқ чизиқда жойлашган ал-Сабра маҳалласидаги уйга янги ҳаво ҳужуми натижасида бир неча киши ҳалок бўлган ва яраланган. Қўшимча тафсилотлар келтирилмаган.

Al Mayadeen, ўз навбатида, Ғазо ғарбида жойлашган аш-Шати қочқинлар лагерига зарба берилгани ҳақида хабар берди.

Эслатиб ўтамиз, аввалроқ Исроил бош вазири Беньямин Нетаньяху ХАМАСнинг ўт очишни тўхтатиш тартибини бузганига жавобан Исроилга зудлик билан Ғазо секторига кучли зарбалар беришни буюрган эди.