Исроил бульдозерлари Фаластин қишлоғидаги юзлаб зайтун дарахтларини илдизи билан юлиб ташлади

Ғарбий Соҳилда, Фаластиннинг Ал-Муғайир қишлоғида Исроил ҳукумати бульдозерлар ёрдамида юзлаб дарахтларни йўқ қилди. Arab News газетасининг хабар беришича, кесилган дарахтларнинг салмоқли қисми минтақа иқтисодиёти ва маданий ҳаётида муҳим ўрин тутадиган зайтун дарахтлари бўлган.

Маҳаллий қишлоқ хўжалиги уюшмаси раҳбарининг фикрича, бу каби ҳаракатлар фаластинликларни босиб олинган ҳудудлардан чиқариб юбориш учун уларга босим ўтказишга қаратилган. Шу билан бирга, Исроил мудофаа кучлари вакиллари дарахтларнинг кесилишини аксилтеррор чораларини кўриш зарурлиги билан изоҳлади.