ЦАХАЛ ҳукуматга Рафаҳда тинч аҳолини жанг ҳудудидан эвакуация қилишни ўз ичига олган қуруқликдаги операция режасини тақдим этди. Шунингдек, Исроил ҳукумати Ғазо секторига гуманитар ёрдам етказиб бериш режасини маъқуллади.
Миср билан чегара яқинида жойлашган Рафаҳ шаҳрига Исроилнинг Ғазо секторида ҲАМАС ҳаракатига қарши ҳарбий амалиёти бошланганидан бери бир миллиондан ортиқ қочқин кўчиб келган.
Исроил бош вазир Бинямин Нетаняҳу қуруқликдаги операциядан воз кечиш ниятида эмас ва Рафаҳни ҲАМАСнинг Ғазо секторидаги "сўнгги қалъаси" деб атаган.
