Ўзбекистон U-17 терма жамоаси бош мураббийи Ислом Исмоилов ЖЧ нимчорак финалидан ўрин олган Италия билан ўйин олдидан фикрларини билдирди.
- Италияга қарши ўйинга тайёргарлик қандай кетмоқда?
- Барча ўйинларга ёндашганимиздек, Италия билан ўйинга ҳам яхши тайёргарлик кўряпмиз. Жамоада кайфият аъло даражада. Худо хоҳласа, эртанги баҳсга 100% тайёр бўламиз.
- Бизда жароҳатланган футболчилар йўқми?
- Кичик жароҳат олган футболчилар бор. Энг катта йўқотиш — бу дисквалификацияга учраган Муҳаммад Ҳакимов.
- Италияни ўрганиб чиқишга улгурдингизми?
- Италиянинг ЖЧдаги барча ўйинларини кўриб чиқдик. Нафақат Европанинг, балки мундиалнинг энг кучли жамоаларидан бири деб бемалол айта оламиз. Шунга қарамасдан, жамоамизда характер бор. Ўйлайманки, эртага футболчиларимиз бор потенсиалини намойиш қилади.
Эслатиб ўтамиз, U-17 мундиаль нимчорак финали доирасидаги Италия – Ўзбекистон учрашуви 18 ноябрь куни 17:30 да бошланади.
"Араблар Ҳабибни пулга кўмиб ташлашди..."
U-17 ЖЧ. Италия - Ўзбекистон ўйини бошланиш вақти маълум бўлди
Лионель Месси билан битта селфи нархи маълум бўлди
