Ироқлик тадбиркорлар учун Ўзбекистон электротехника салоҳияти тақдим этилди

Ироқ Республикасидан келган ишбилармонлар делегацияси Тошкент шаҳрида жойлашган TEXNOPARK МЧЖ фаолияти билан танишди . Ташрифда Ироқ Савдо вазири Асир Довуд Салмон ал-Ғурайрий ҳам иштирок этди.

Ташриф давомида Ўзбекистон электротехника саноатининг умумий салоҳияти, соҳада амалга оширилаётган йирик лойиҳалар, замонавий ишлаб чиқариш қувватлари ҳамда экспортбоп маҳсулот турлари тақдим этилди.

Ташриф Ўзбекистон саноати халқаро ҳамкорликка тайёр эканини яна бир бор кўрсатди. Айниқса, Ироқ бозори ўзбек тадбиркорлари учун экспорт, инвестиция ва узоқ муддатли ҳамкорлик нуқтаи назаридан катта имкониятлар очиб бераётгани алоҳида таъкидланди.